متسوقش شركتك عمياني

عشان تدير شركتك صح و تقدر تنافس في السوق بشكل قوي وكمان تقدر تتوسع،
لازم تبني سلسلة من الخطوات عشان تعرف تقيس أداء الشركة أو المنتج بتاعك في كل خطوة، قصدي هنا مش مراحل ال 𝐁𝐮𝐬𝐢𝐧𝐞𝐬𝐬 نفسها، المقصود وهو رحلة عميلك مع الشركة أو المنتج نفسه في السوق.
مقاييس الأداء دي اسمها 𝐏𝐫𝐨𝐝𝐮𝐜𝐭/𝐁𝐮𝐬𝐢𝐧𝐞𝐬𝐬 𝐌𝐞𝐭𝐫𝐢𝐜𝐬
ال 𝐌𝐞𝐭𝐫𝐢𝐜𝐬 دي مهمة لشركتك او المنتج بتاعك عشان هي دي اللي بتخليك حاسس بنبض العميل و اداء الشركة بشكل لحظي مش بس يومي،
يعني دي حاجة انت بتبص عليها كل شوية مش بس مره في اليوم كمان.
ولاهمية ال𝐌𝐞𝐭𝐫𝐢𝐜𝐬 دي، شركة تويوتا عملت حبل أسمه 𝐀𝐧𝐝𝐨𝐧 𝐂𝐨𝐫𝐝 بيربط كل مراحل خطوط الانتاج ببعض عشان لو في اي خطا حصل في مرحلة من مراحل خط الانتاج، مسئول المرحله دي يشد حبل ال𝐜𝐨𝐫𝐝 عشان يوقف خط الانتاج بالكامل لإن اي خطا تكلفتة تحسينه هتكون أقل بكتير جدًا، من إن المنتج ينزل السوق ثم بعد كده نفكر في تحسينه و استرجاع ثقة العميل من تاني و كمان تكلفة تعويض العميل عن الضرر اللي ممكن يحصله.
ببساطة،ال 𝐏𝐫𝐨𝐝𝐮𝐜𝐭 𝐌𝐞𝐭𝐫𝐢𝐜𝐬 دي عبارة عن أدوات قياس لكل حاجة بتحصل للمنتج بتاعك او للشركة وهدفها إن الشركة تحللها عشان تقدر توصل لنتائج قوية مبنية علي دلائل مش مجرد رؤي اصحاب الشركة و بالتالي على أساسها تاخد قرارات تساعد في تطوير المنتج و وصوله للعميل بشكل أفضل و تحسن تجربة عميلك مع المنتج بتاعك او شركتك و ده هيكون نتاجه انك تكبر و تتوسع و منافستك تبقي اصعب.
وده اللي بيخلي ال𝐏𝐫𝐨𝐝𝐮𝐜𝐭 𝐌𝐚𝐧𝐚𝐠𝐞𝐫𝐬 انجح عشان بيقدروا انهم يسمعوا لعملائهم بإنصات واهتمام شديد عشان يحددوا ايه اللي محتاجين نقيسه ونقيسه ازاي و بأي أدوات.
طب تعمل ده ازاي؟
خليني أنا وانت نتخيل إن عندنا محل ملابس و المحل هو هنا ال𝐏𝐫𝐨𝐝𝐮𝐜𝐭.
هل انت عارف العميل اللي وصل للمحل ده عرفك ازاي؟ طب خليني اقولك تكهنات مختلفة ودي بنسميها 𝐇𝐲𝐩𝐨𝐭𝐡𝐞𝐬𝐢𝐬، زي إنه عرفك من:
𝟏- معدي و شاف الفاترينه فقرر يدخل
𝟐- حد عارف المحل قاله عليه
𝟑- حد اشتري من المحل فرشحك ليه
𝟒- الصفحة بتاعتك ظهرتله سواء اعلانات او بشكل طبيعي.
و بعدين هتمسك كل تكهن من دول و تعمله مقياس و ده هنا اللي بنسميه 𝐏𝐫𝐨𝐝𝐮𝐜𝐭 𝐌𝐞𝐭𝐫𝐢𝐜𝐬 في ال𝐏𝐫𝐨𝐝𝐮𝐜𝐭 𝐌𝐚𝐧𝐚𝐠𝐞𝐦𝐞𝐧𝐭.
هتعمل المقاييس الاتيه:
𝟏- عدد الزوار الإجمالي.
𝟐- عدد الزوار من الفاترينه.
𝟑- عدد الزوار من الترشيحات.
𝟒- عدد الزوار من الإعلانات وصفحة الفيس بوك.
𝟓- عدد الزوار اللي اشتروا بالفعل قبل كده و بيجوا اكتر من مره يشتروا و ده اسمه ال𝐑𝐞𝐭𝐞𝐧𝐭𝐢𝐨𝐧 𝐑𝐚𝐭𝐞 او معدل ارتداد العميل.
𝟔- نسبة العملاء المشترين من عدد الاجمالي للزوار و ده اسمه ال𝐂𝐨𝐧𝐯𝐞𝐫𝐬𝐢𝐨𝐧 𝐑𝐚𝐭𝐞 وطبعًا عشان تقدر توصل للأرقام دي محتاج تسأل كل عميل بيدخل عندك المحل انت عرفت عننا ازاي؟ والإجابة هتحدد هيكون في أنهي مقياس من ال𝟔.
و عشان تقيس اكتر قوة الترشيحات وده مقياس لوحده اسمه 𝐕𝐢𝐫𝐚𝐥𝐢𝐭𝐲 𝐂𝐨𝐞𝐟𝐟𝐢𝐜𝐢𝐞𝐧𝐭 و ده انك بتقسم عدد زوار الترشيحات علي عدد الزوار الاجمالي ولو الناتج طلع ب 𝟏 او اكتر ده معناه انك واكل السوق يا معلم. و ممكن تضرب الرقم في 𝟏𝟎𝟎 لو عايز تطلع نسبه مئوية. كل ده و لسه العميل داخل من علي الباب 😂.
طيب استفدنا ايه من المقاييس دي بعد ما نعملها ؟هتستفاد انك:
𝟏- تحدد انت محتاج تركز و تصرف علي ايه قوي عندك و تطورة اكتر
𝟐- ايه نقط الضعف اللي عندك اللي محتاج تطوير عشان واقعه عندك زي مثلا انك ميكنش بيجيلك عملاء من تشريحات.
𝟑- او ان معدل الارتداد عندك قليل و انت محتاج تزود مبيعات فا بدل ما تروح تصرف تسويق لا هتهتم بالعملاء الحاليين عشان تزود معدل الارتداد و بالتالي كمان تزود مقياس رضاء العملاء اللي هو ال𝐂𝐮𝐬𝐭𝐨𝐦𝐞𝐫 𝐒𝐚𝐭𝐢𝐬𝐟𝐚𝐜𝐭𝐢𝐨𝐧 𝐑𝐚𝐭𝐞 او ال𝐂𝐒𝐀𝐓 و اللي بالتالي هيزود عدد الترشيحات ليك اللي بنقيسه من خلال معدل الترشيحات اللي هو ال𝐍𝐞𝐭 𝐏𝐫𝐨𝐦𝐨𝐭𝐞𝐫 𝐒𝐜𝐨𝐫𝐞 اللي بيتعمل عن طريق سؤال لعميلك تساله ” الي اي مدي ترشح “اسم المحل” الي عميل اخر؟ وبيبقي 𝐬𝐜𝐚𝐥𝐞 من 𝟏 الي 𝟏𝟎 ولو الناتج ب𝟕 او اكثر لازم تاخد منه بيانات العميل اللي عايز يرشحه ولو من 𝟓 الي 𝟕 يبقي محتاج تفهم اي اللي ممكن تطوره ولو اقل محتاج تفهم ايه اللي مزعله منك. و هكذا في كل ركن و جزء من اركان و اجزاء الشركة او ال𝐏𝐫𝐨𝐝𝐮𝐜𝐭 بتاعك.
وده سبب تاني انك لو معملتش ده تبقي بتسوق شركتك عمياني ولو الدنيا ماشية فده بس عشان ربنا ساترها معاك مش شطاره منك.
لان كل المقاييس دي طبعًا ليها علاقة بنوع العميل، راجل كبير، شاب، سيدة مثلًا، وكل معطي من دول هدفه ان يكون عندك داتا كبيره جدًا تاخد على أساسها القرارات و مش بالفهلوه.
طب انا معنديش محل ملابس يا طارق أنا عندي 𝐒𝐭𝐚𝐫𝐭𝐮𝐩 ليه تشرحلي على محل ملابس. لانه مثل بسيط علي بيزنس تقليدي و فكرته في المنافسه علي العميل في سوق موجود بالفعل،
أما في حالة ال𝐒𝐭𝐚𝐫𝐭𝐮𝐩𝐬 الموضوع بيكون مختلف شويتين لإنك محتاج اصلا تقيس ان المنتج ده ليه سوق اصلا ولا لا و فيه أدوات و تكتيكات كتير بتقدر تساعدنا في مرحلة التحقق اللي هي ال𝐕𝐚𝐥𝐢𝐝𝐚𝐭𝐢𝐨𝐧 ومرحلة ال𝐏𝐫𝐨𝐝𝐮𝐜𝐭 𝐌𝐚𝐫𝐤𝐞𝐭 𝐅𝐢𝐭، و بعد كده ازاي تعمل حاجة اسمها 𝐍𝐨𝐫𝐭𝐡 𝐒𝐭𝐚𝐫 𝐌𝐞𝐭𝐫𝐢𝐜 اللي هو اكبر هدف الشركة عايزه توصله و بنبتدي نبني ال𝐏𝐫𝐨𝐝𝐮𝐜𝐭 𝐒𝐭𝐫𝐚𝐭𝐞𝐠𝐲 و ال𝐏𝐫𝐨𝐝𝐮𝐜𝐭 𝐑𝐨𝐚𝐝𝐦𝐚𝐩 و حاجات تانية كتير في مراحل مختلفه وده اللي بنقدر نطبقه مع عشرات ال𝐒𝐭𝐚𝐫𝐭𝐮𝐩𝐬 في الوطن العربي.
وهقولك حاجة في النهاية بسيطة جدًا عن مدى أهمية ال𝐌𝐞𝐭𝐫𝐢𝐜𝐬 ليك، فكرة إنك تقيس كل حاجة وتاخد على أساسها خطوات عملية سواء لتطوير المنتج أو لتطوير الشركة
خدمة العملاء ممكن يكون بالنسبالك مش مكلف، بس اللي هيكون مكلف إن المنتج بتاعك جودته تكون سيئة، أو متكونش عارف هيتطور ازاي.
أتمنى تاخ