زمان عند العرب، كان في نجمة دايمًا بتساعدهم يحددوا الإتجاه، النجمة دي كان ليها هدف واحد بالنسبة ليهم انهم يوصلوا لبر الأمان، وده كمان كان بيحصل مع البحاره، وكان بيحصل في حاجات كتير جدًا، بس اللي انت ممكن تستغربه إن النجمة دي بردو موجوده في الProduct Management وهدفها انها تساعدك توصل بالمنتج بتاعك للطريق السليم وأسمها north star،
طب ايه هي أو عبارة عن ايه وازاي بنستخدمها ده اللي هكلمك فيه بالظبط في البوست ده عشان تقدر توصل بمنتجك وشركتك للطريق السليم.
أنا محمد طارق وأنت بتقرأ بوست من سلسلة #Productwithtarek.
ايه هي الProduct North Start؟
بكل بساطة عشان أختصر عليك تعريف طويل جدًا، الProduct North Star هو مقياس رئيسي لمدى نجاح الProduct Team في شركتك، لإنه بيحدد العلاقة بين مشاكل العملاء اللي الProduct Team بيشتغل عليها وبين الإيرادات الخاصة بالشركة، زي مثلًا انك تحقق 100% رضا لعملاء الشركة.
طب انا ليه بيكون عندي Business North Start، تخيل معايا كده انك بتصحى كل يوم بلا هدف، فريقك بييجي يشتغل في شركة ملهاش هدف او ان أهداف الشركاء او الموظفين مختلفه، …متخيل ايه اللي هيحصل، انا الصراحة مش عايز أتخيل، لإن النهاية هتكون سيئة، بس لو كل الناس دي بتشتغل عشان هدف واحد بس، متخيل بقى هنوصل لفين؟
وخليني اقولك كام مثال بسيط كده قبل ما نكمل كلامنا.
1- في Slack، ال Product North Star هو Daily Active Users، كل أما عدد ال Active Users زاد، كل أما Slack قدرت توصل لالBusiness North Star.
2- في Linkedin مثلًا ال North Star هي الـMonthly Active Users.
3- بس لو بصينا على Spotify فالـNorth Star هي الـTime Spend listing to music.
طب انا بقولك الأمثلة دي ليه؟ عشان أعرفك ان كل شركة ليها الNorth Star الخاصة بيها، وليها الأرقام اللي عايزة توصلها.
طب انا كCEO أو Business Owner ازاي أقدر أستخدمه؟
عشان تطبق الNorth Star وتوصلها محتاج تشتغل على شوية نقاط:
1- ما هي ال North Star Matric.
في البداية المقياس الخاص بيك لازم يكون متوافر فيه بعض الخصائص زي؟
Expresses value بيمثل قيمة حقيقية
Represents vision & strategy بيمثل رؤية و استراتيجية الشركة
Is a leading indicator لازم يبقي مقياس قيادي
Is actionable يمكن تنفيذه
Is quantifiable يمكن قياسه بالأرقام
بس عشان تقدر تطلع مقاييس الأداء اللي هتساعدك تحدد الNorth بشكل سليم لازم، تقرأ البوست الخاص بالProduct Metrics عشان تعرف ازاي تطبقها بشكل سليم.
وده عشان تقدر أصلًا تعرف تعمل القياس.
2- The North Star Framework
الFramework وما أدراك ما الFramework الNorth Star مش مجرد حاجة تطبقها شوية وبتخلص، وعايز يكون نفسك طويل معايا هنا شوية لإننا هنمر ب3 خطوات رئيسية.
في الإطار العام انت عندك مجموعة عوامل بتنتج مقاييس، ممكن المنتج يكون مختلف ويأثر على المدخلات، بس اللي هيخدم شركتك في 3 حاجات رئيسية:
1- هتعرف تحدد أولوياتك وهتسرع عملية أتخاذ القرار.
2- هيساعدك تعرف الفرق بين التوافق والتواصل.
3- الفرق بين التأثير والنمو المستدام.
وعشان ده يطبق يبقى لازم عناصر لل North Star.
قلب North Star Framework هو مقياس North Star، وهو معدل أو عدد أو نسبة حاجة واحدة تمثل استراتيجية منتجك. يعد هذا المقياس مؤشرًا رئيسيًا يحدد العلاقة بين مشكلات العملاء اللي بيحاول فريق المنتج حلها ونتائج الأعمال المستدامة وطويلة المدى.
وخليني أقولك مثال على الكلام التقيل ده، في عام 2005، شركة Netflix كانت بتركز على شحن DVD، وقتها فريق منتج Netflix عمل مقياس North Star لنسبة العملاءاللي بيطلبوا ثلاثة أقراص DVD أو أكثر في قائمة الإنتظار الخاصة بهم في أول أستخدام للخدمة.
فريق Netflix فهم كويس أوي إن الإحصائيات دي والNorth Star هتساعدهم على التميز، ولما العدد يوصل للNorth يعني قيمة مقدمة للعميل كويسه، ايرادات أعلى، ونسبة احتفاظ بالعميل كبيرة.
عشان أقلل من عليك الضغط خليني أقولك، حدد الNorth Star كرقم وهدف عايز توصله مع العملاء بتوعك.
- النتائج والقيمة.
الNorth Star بيوضح القيمة اللي العميل بيستفاد بيها، لما بنشوف التغيير بيحصل بشكل مثالي بالنسبة لينا، هتقدر تتوقع تغيير النتائج والأرقام. - المدخلات
خليني أقولك مجموعة صغيرة (3-5) من العوامل المؤثرة والتكميلية لل North Star، اللي بتأثر بشكل مباشر على المقياس،
على سبيل المثال، حددت Instacart، وهي خدمة توصيل واستلام البقالة في نفس اليوم، أربعة مدخلات في مقياس North Star Metric لإجمالي العناصر الشهرية المستلمة.
(1)عملاء بعدد محدد يطلبوا برقم محدد.
(2) الطلبات دي لازم Instacart يوصلوها في وقت محدد
(3) الطلبات نفسها يكون ليها متوسط رقم.
دول 3 عوامل في المقياس عشان يقدروا يحققوا الNorth Star الخاص بيهم.
وطبعًا الأرقام والمدخلات دي هتتغير من كل صناعة لصناعة.
نجمة شمال واحدة
من السمات لهيكل North Star أنه يحتوي على مقياس North Star واحد فقط. وطبعًا المؤسسات الكبيرة عندها أكتر من Star بس أنت لو Startup خلي عندك مقياس واحد يساعدك انك توصل لهدفك بشكل واضح وسليم عشان متتوهش في نص الطريق.
البوست الجاي هكون بكلمك عن ازاي تعمل Custmers Interviews بشكل سليم يساعدك تحدد ال Segementation اللي هتشتغل عليها، فمتنساش الFollow و الShare وخليك مع #Productwithtarek.
